pos kumunio

nulon pulung ale wala
sarani adan beq lamalera
mete hipa mete kole
mete behul mete buel
sika sape leuwayan
atarodang mara mamu
guru uye neti barani
rai hebu wei sarani
(ke REFF)

② Ribu ratu pulu leme
kiol kaol mayar keler
sogang biti ahi lewang
nimon rian beq surga laleng
neti tuwo neti kahin
neti huraq paq neti bele
kara kelen moq laleng palan
Dei xristus tewu wala
(ke REFF)

③ utun moq o anaq moq o
rai waran polun kowa
uring doa ale wala
naku nimon haba amo
Taping iheq, tameq iheq
tuben iheq paq nurung iheq
oma kara upe nope
tauq setan neq akal kopel
( ke REFF)

④ noq loyo para saya
rai waran kayaq ayaq
beuq lua para saya
minggu - minggu adan sembayang
setan akal kara tauq
daten pade kara tomo
ahin tutuq kara doraq
sape mate nimon horoq
(ke REFF)

REFF:
sape mate kara tauq
likoq xristus neq leu auq
oneq udeq laleng udeq
nimon rian teq nein hudeq